Тибқи нақша-чорабинии Ташкилоти собиқадорони ҷангу меҳнати шаҳри Левакант, дар муассисаи таҳсилоти миёнаи умумии №2-и шаҳр, дар ҳошияи рӯзи Артиши миллӣ бо хонандагон вохӯрӣ гузаронида шуд.
Дар ин вохӯрӣ раиси Ташкилоти собиқадорон-Султонов Ҳикматулло, аъзои фаъолои Ташкилот полковник Исмонқулов Абдуҷалол, раиси Ташкилоти ҷамъиятии «Сипарони Ватан» Бароталиев Сафар, омӯзгорону хонандагон иштирок доштанд.
Муовини раиси шаҳри Левакант Шоҳиён Саъдулло, бо хонандагони синфҳои 11-и муассисаи таҳсилоти миёнаи умумии №1-и шаҳр вохӯрӣ намуда, аз шароити таҳсил ва таълиму тарбияи онҳо бохабар гашт. Ӯ бо писарон дар вақти дарси тарбияи ҷисмонӣ ва бо духтарон дар вақти дарси географи дар суҳбат шуда, таъкид намуд, ки дар шароити ҷаҳонишавӣ ва пешрафти илму техника ҳарчи бештар ба хонадану аз бар кардани илму дониш машғул шаванд. Оворагардӣ ва кӯчагарди накарда, дар озмунҳои ҷумҳуриявию мактабӣ иштироки фаъол намоянд. Пас аз хатми муассиса ҳатман ба ба донишгоҳу донишкадаҳои олӣ ё ба сафҳои Қувваҳои мусалаҳи Ҷумҳурии Тоҷикистон пайванданд. Ин аст қарзи фарзандию шаҳрвандии ҳар як сокини Ватан.
Имрӯз 7-уми феврал, иҷрокунандаи вазифаи раиси шаҳри Левакант-Муминзода Мастура Табарӣ, баҳри шиносоӣ ба муассисаҳои таҳсилоти миёнаи умумии №№3,10,11-и қаламрави ҷамоати деҳоти «Ваҳдат» ташриф овард. Дар ин сафар ӯро раиси ҷамоати деҳоти «Ваҳдат» Султонов Фарух, директорони муассисаҳои таълимӣ ҳамроҳӣ карданд.
Иҷрокунандаи вазифаи раиси шаҳри Левакант-Муминзода Мастура Табарӣ имрӯз 7-уми феврал, ба фаъолияти фабрикаҳои парандапарварии қаламрави ҷамоати деҳоти «Ваҳдат», ошно гашт. Ӯ дар ин рӯз ба ҶДММ «Мурғи Порсиё», фабрикаҳои парандапарварии «Мурғи марҷон» ва «Парандаи хушзот» рафта аз вазъи парвариш ва истеҳсоли гушту тухми паранда огоҳ шуд.
Имрӯз 7-уми феврал, иҷрокунандаи вазифаи раиси шаҳри Левакант-Муминзода Мастура Табарӣ баҳри шиносоӣ ба кори роҳсозон ба Муассисаи давлатии нигаҳдории роҳҳои автомобилгарди шаҳри Левакант ташриф овард. Ӯ бо кормандони ин сохтор суҳбат намуда, аз фаъолияти корӣ ва вазъи роҳҳои маҳалва аҳамияти ҷумҳуриявидоштаи дар тавозуни Муассисаи мазкурбуда пурсон шуд.
