Вазири Мудофиаи Ҷумҳурии Тоҷикистон, генерал-полковник Шералӣ Мирзо иҷрокунандаи вазифаи раиси шаҳри Левакант-Муминзода Мастура Табариро барои пеш аз муҳлат ва босифат иҷро намудани нақшаи даъвати баҳории шаҳрвандон ба сафи Қувваҳои Мусаллаҳ бо Сипоснома қадршиносӣ намуд.
Сипосномаро 6-уми май, дар маҷлиси панҷдақиқаинаи назди раиси шаҳр, Комиссари ҳарбии шаҳр-Ҳусейнзода Юнус дар фазои тантанавӣ аз номи Вазир Мудофиа ба Муминзода Мастура Табарӣ тақдим намуд.
Дар доираи иҷроиши барномаи миллӣ, бо мақсади баланд бардоштани маълумотноки оиди пешгирии паҳншавии сирояти ВНМО дар байни ҷавонон, мухоҷирони меҳнати ва оилаҳои онҳо, дар санаи 7 ми маи соли 2024, аз тарафи мутахассисони маркази ВНМО- и ш. Левакант якҷояги бо кормандони Маркази саломатии Навобод ҷ/д Ваҳдат ва ҳамшираҳои КАТС и ш. Левакант, ташхисҳои оҷили ВНМО бо тарзи ройгон гузаронида шуд. Ҳамчунин дар байни аҳоли дарсҳои омузиши бо усули хона ба хона гузаронида, барои иштирокчиени дарсҳои омузиши маводҳои таблиғоти ва ташвиқоти тақсим карда шуд.
Баланд бардоштани маърифати ҳуқуқии шаҳрвандон яке аз масъалаҳои муҳиме мебошад, ки дар «Соли маърифати ҳуқуқӣ» роҳандозӣ гардидааст. Дар доираи ин тадбир, тибқи нақша-чорабинии Ҳукумати Ҷумҳурии Тоҷикистон имрӯз 7-уми май, ҳайати гурӯҳи корӣ Собирзода Исфандиёр-ректори Донишкадаи такмили ихтисоси Вазорати Адлияи Ҷумҳурии Тоҷикистон, Раҳим Зафар-муовини директори Муассисаи давлатии маркази ёрии ҳуқуқии Вазорати Адлия, Ҳасанзода Саидалӣ-корманди Вазорати Адлия, Шоҳиён Саъдулло муовини раиси шаҳри Левакант, бо мудирони шуъбаю бахшҳои Мақомоти иҷроия, роҳбарону кормандони ташкилоту корхонаҳо дар МТМУ №15, вохӯрӣ намуда, корҳои таблиғотию ташвиқотӣ гузарониданд.
Дар боришоти шадиди шабонарӯзи охир ба роҳҳои мошингарди деҳаҳои Истиқлол ва Зағертути ҷамоати деҳоти "Ваҳдат" лоиқа фаромада роҳҳо вайрон гардиданд. Масъулини Муассисаи давлатии нигаҳдории роҳҳои автомобилгарди шаҳри Левакант ва бахши ҳолатҳои фавқулодаи шаҳр, роҳҳои вайроншударо сари вақт аз лоиқа тоза намуда, селроҳаҳоро бартараф намуданд.
Инчунин дигар роҳҳои селфаро ва мавзеҳои хавфнок мавриди таваҷҷуҳи масъулин қарор доранд.
Дар муассисаи таҳсилоти миёнаи умумии рақами 10-и шаҳри Левакант ба хотири пос доштани иштирокчиёни ҶБВ ҳафтаи поси хотир ташкил шуд.
Роҳбари Созмони хонандагон Ашуров Ҷаҳонгир ба аъзоёни фаъоли созмони хонандагони муассиса аз саҳм ва нақши иштирокчии ҶБВ Саидов Мирзо, ки омӯзгори муассиса буданду дар таълиму тарбияи насли наврасу ҷавон саҳми назаррас гузоштаанд ёдовар шуд. Ӯ қайд кард, ки марҳум Саидов Мирзо яке аз шахсиятҳои обруманди деҳаи Зағертут ва ҳатто шаҳри Левакант буда, баҳри ҳимояи марзу буми Ватан бо душман ҷангида, аз худ шуҷоату мардонагӣ нишон додааст.
