ЛЕВАКАНТ: ВАРЗИШГАРОН 5-МЕДАЛИ ДИГАР ОВАРДАНД

Аз 19 то 21-уми сентябри соли ҷорӣ, дар шаҳри Хуҷанди вилояти Суғд ба хотири гиромидошти АБДУҚАҲОР ҚОДИРОВ, мураббии Ҷумҳурии Тоҷикистон, довари дараҷаи байналмилалӣ, байни наврасон мусобиқаи ҷумҳуриявӣ оид ба гуштини "Самбо" баргузор гардид.

Дар ин мусобиқа дастпарварони Муассисаи давлатии мактаби варзишии шаҳри Левакант иштирок намуда, ду медали тилло ва се медали нуқра ба даст оварданд.

Дар ин бора аз МДМВ хабар доданд.