ЛЕВАКАНТ: МУСОБИҚАИ КУШОД БАХШИДА БА РӮЗИ ПАРЧАМ

Тибқи нақша-чорабинӣ бахшида ба Рӯзи Парчами миллӣ, байни дастпарварони Муассисаи давлатии мактаби варзишии шаҳри Левакант, мусобиқаи кушоди ТЕКВАНДО ВТФ гузаронида шуд.

 

Дар ин мусобиқаи шаҳрӣ варзишгарони наврасу ҷавон фаъолона иштирок намуда, бо ҳам сабқат намуданд.

Ғолибони ҷойҳои аввал ва дуюму сеюм бо медал ва Сипосномаҳои Муассисаи давлатии мактаби варзишӣ ҳавасманд гардонида шуданд.

Боиси зикр аст, ки мусобиқаҳо пайваста байни наврасону ҷавонон аз рӯйи 12 намуди варзиш дар доираи ҳар иду ҷашн ва рӯзҳои таърихии кишвар гузаронида мешавад.