Чорабини байни хонандагон таҳти шиори «Мо тарзи ҳаёти солимро интихоб менамоем»

Рӯзи 20.05.2019 дар муассисаи таҳсилоти миёнаи умумии №7-и деҳаи Гулистони ҷамоати деҳоти «Гулистон» аз тарафи табиби вогиршиноси маркази ВНМО Холов С., директори маркази  ташаккули тарзи ҳаёти солим Акрамова С., мудири бунгоҳи саломатии деҳаи Гулистон Бозорова Г., мудири шуъбаи маркази  ташаккули тарзи ҳаёти солим Зокирова Ш., директори маркази иммунопрофилактика          Сафаров С.  ва директори МТМУ №7 Муминова М. бо хонандагони сифҳои аз 1 то 3 ва 10-11 чорабинӣ таҳти шиори «Мо тарзи ҳаёти солимро интихоб менамоем» баргузор гардид.

 

Ҳадаф аз баргузории ин чорабинӣ муносибати эҳтиёткорона ба саломатии хеш, пешгирии бемориҳо, риоя намудани беҳдошти шахсӣ, роҳҳои пешгирии гузариш ва муҳофизат намудани хеш аз бемориҳои сироятӣ, аз ҷумла ВНМО мебошад. 

Дар охир аз тарафи масъулин иштирокчиёни фаъол бо сипоснома ва туҳфаҳои хотиравӣ қадрдонӣ карда шуданд.