Ҳамовозӣ ба Паёми Президенти мамлакат ба Маҷлиси Олии Ҷумҳурии Тоҷикистон
Паём - дастури роҳнамо
Асосгузори сулҳу ваҳдати миллӣ , Пешвои миллат , Президенти Ҷумҳурии Тоҷикистон муҳтарам Эмомалӣ Раҳмон 26 декабри соли 2019 дар Паёми навбатиашон ба Маҷлиси олӣ оид ба дастовардҳои соҳаҳои гуногуни хоҷагии халқи Ҷумҳурии Тоҷикистони азизамон истода гузашта, барои рушду нумуи он барои як соли оянда нақшаҳои ҷолибро пешниҳод намуданд.
Аз омӯхтану таҳлили Паём бармеояд, ки барои таълиму тарбияи насли наврас , ки ояндаи миллат ба онҳо вобастагӣ дорад, тамоми шароит муҳайё шудааст. Ҳамаи ин ба хотире роҳандозӣ шудааст, ки саводнокии миллат аз саводнокии ҳар фарди ҷомеа сарчашма гирифта, ин раванд дар муассисаҳои таълимӣ омӯзгорон ва дар оила падару модаронро водор месозад, ки пайи иҷрои вазифаҳои худ масъул бошанд.
Дар Паёми навбатиашон Пешвои миллат таъкид кардаанд, ки барои китобдӯсту китобхон шудани насли наврас онҳо минбаъд низ ҳавасманд карда шаванд, зеро насли босавод таҳкурсии мустаҳками ояндаи миллат аст.
Мо ҷомеаи омӯзгорон шукргузор аз он ҳастем, ки дар фазои сулҳу оромӣ умр ба сар бурда истодаем. Пеш аз ҳама Паёми навбатии Асосгузори сулҳу ваҳдати миллӣ , Пешвои миллат , Президенти Ҷумҳурии Тоҷикистон муҳтарам Эмомалӣ Раҳмон ба мо омӯзгорон ҳамчун як раҳнамо, қутбнамо мебошад ва ин ҳуҷҷати таърихӣ дар анҷоми фаъолияти касбиамон дастури хуби зиндагӣ хоҳад гашт.
Ҳанӯз соли 2013 Фармони Президенти кишвар дар бораи такмили таълим ва омӯзиши забонҳои русӣ ва англисӣ қабул шуда буд. Дар Паёми имсола низ оид ба омӯзиши забонҳо диққати махсус дода шуда, хусусан омӯзиши забони русӣ ва ангилсӣ дар мадди аввал гузошта шудааст.
Аҳли маориф вазифадор карда шуд, ки дар баланд бардоштани сатҳи дониши хонандагон тамоми чораҳои заруриро андешанд, то ки насли наврас - ояндасози миллат ва давлат босавод ба камол расанд.
Асосгузори сулҳу Ваҳадати миллӣ, Пешвои миллат муҳтарам Эмомалӣ Раҳмон дар Паёмашон соҳаи илм ва маорифро яке аз соҳаҳои афзалиятноку калидӣ номида, таъкид карданд, ки мақому мартабаи омӯзгорро дар ҷомеа баланд бардорем, чунки ҳамаи мо таълиму тарбияи омӯзгорро гирифтаему ба ин мартабаҳо расидем. Дар Паём оид ба аз нав тарҳрезӣ намудани Консепсияи миллии тарбия вобаста ба талаботи замон дастур дода шуд. Инчунин баҳри боло бардоштани сифати таълиму тарбия, ки аз ҷумлаи ҳадафҳои Стратегии давлат дар соҳаи маориф ба ҳисоб меравад, вазифаҳои минбаъда пешкаш карда шуданд.
Паёми Президенти Cумҳурии Тоҷикистон муҳтарам Эмомалӣ Раҳмон сарчашмаи асосии омодасозии мутахассисони оянда ба соҳаҳои гуногуни кишвар, аз ҷумла соҳаи маориф мебошад.
Аз ин рӯ, омӯзгоронро зарур аст, ки фаъолияти худро вусъат дода, аз методҳо, роҳҳо ва усулҳои фаъоли таълиму тарбия истифода баранд, ба худомӯзию баланд бардоштани сатҳи дониши касбӣ кӯшиш намоянд.
Вобаста ба омӯзиш ва амалӣ гаштани паҳлуҳои Паём нақша- чорабинӣ тартиб дода шуда, ҷомеаи омӯзгорон ва хонандагон баҳри амалӣ гаштани он давра ба давра амал хоҳанд кард.
Паёми Президенти Ҷумҳурии Тоҷикистон муҳтарам Эмомалӣ Раҳмон бо таҳлилу пешниҳодҳодҳо ва супоришу ҳидоятҳо раҳнамоест барои зиндагии осоишта. Гуфтаҳои ғамхорона ва падаронаи Пешвои миллат ҳар як фарди бонангу номуси ватани азизамонро водор месозад, ки баҳри дар амал татбиқ намудани сиёсати пешгирифтаи Асосгузори сулҳу Ваҳадати миллӣ, Пешвои миллат муҳтарам Эмомалӣ Раҳмон тамоми имконияту шароитҳои мавҷударо истифода баранд. Тасдиқи гуфтаҳои боло баланд бардоштани маоши вазифавии омӯзгорон дар ҳаҷми 15 % мебошад.
Омӯзгоронро зурур аст, ки як чизи асосиро фаромӯш нанамоянд, ки Пешвои миллат соҳаи маорифро омили муҳим ва такягоҳи устувори рушди ҷомеа эътироф кардаанду ба ин соҳа таваҷҷуҳи хоса доранд, аз ин хотир мо, омӯзгоронро зарур аст, ки дар қатори тамоми сокинони ҷумҳурии азизамон масъулияти бештар ба дӯш дошта бошему эҷодкор, ҷӯянда ва ташаббускор бошем, баҳри амалӣ гаштани паҳлуҳои Паёми Пешвои миллат саҳмгузор бошем.
Кабиров М.Т., омӯзгор аз ш. Левакант