Модарону бонувони арҷманд ва хоҳарону фарзандони aзиз!
Ҳамаи шуморо ба ифтихори Рӯзи модар, яъне ҷашне, ки барои ҳамаи мо бисёр азиз мебошад, самимона табрик мегӯям.
Иҷрокунандаи вазифаи раиси шаҳри Левакант-Муминзода Мастура Табарӣ, дар зери сиёсати инсондӯстонаи Пешвои миллат муҳтарам Эмомалӣ Раҳмон дар арафаи Рӯзи Модар бо ҷалби ташкилоту корхонаҳои шаҳрӣ ба 60-нафар духтарони ятими кул ва имконияти маҳдудидошта дар яке аз тарабхонаҳои барҳавои шаҳр, дастархони идона ороста эшонро бо туҳфаҳои хотиравӣ ҳавасманд намуд. Муминзода Мастура Табарӣ бо ятимони кул сари як миз нишаста аз таҳсил ва ҳолу аҳволашон пурсон шуд. Ва гуфт, ки онҳо ҳеҷ гоҳ худро ятиму бекас наҳисобанд. Зеро давлату ҳукумат онҳоро парасторӣ ва пуштибонию сарварӣ мекунад. Инчунин ба масъулин супориш дод, ки ҳамеша ятимону барҷомондагон ва шахсони яккаву танҳоро кумакрасону пуштибон бошанд. Зеро чунин ашхос ҳамеша ба дастгири ниёз доранд.
Ятимон низ дар навбати худ миннатдорияшонро ба шаҳрдорӣ баён намуданд.
Дар арафаи Рӯзи Модар бо супориши иҷрокунандаи вазифаи раиси шаҳри Левакант-Муминзода Мастура Табарӣ чанд тан аз шахсони имконияти маҳдудидошта аёдат шуда бо туҳфаҳо қардшиносӣ шуданд.
Шоҳиён Саъдулло муовини раиси шаҳр, Халилзода Нуқрамоҳ мудири бахши кор бо занон ва оилаи Мақомоти иҷроия ва дигар масъулин туҳфаҳои шаҳрдориро ба онҳо расонида, аз номи шаҳрдорӣ оҳоро ба Рӯзи Модар табрик намуданд.
Аёдатшудагон дар навбати худ ба шаҳрдорӣ ва шахсони хайрхоҳу саховатпеша барои дастгириҳои пайваста изҳори сипосу миннатдорӣ карданд.
5-уми март, дар толори фарҳангии Донишкадаи байналмилалӣ, сайёҳӣ ва соҳибкории Тоҷикистон дар шаҳри Левакант, бахшида ба “Рӯзи Модар” чорабинии идона баргузор гардид.
Иҷрокунандаи вазифаи раиси шаҳри Левакант-Муминзода Мастура Табарӣ ва дигар масъулин қабл аз оғози чорабинӣ аз намоиши ҳунарҳои мардумӣ дидан намуданд.
Бунёди ҷомеаи солим аз модари солим вобастагӣ дорад. Барои оне ки модар солим бошад ва ҷомеа солим бимонад чӣ бояд кард?
Синамакониро ҳам барои тифл ва ҳам барои модар хеле пурманфиат медонанд. – Манфиатҳои синамаконӣ хеле зиёд аст, аз ҷумла синамаконии дар дақиқаҳои аввали пас аз таваллуд хунравии баъдитаваллудиро пешгирӣ мекунад. Инчунин, ба барқарор шудани системаи организми зан, ки дар давраи ҳомиладорӣ баъзе тағйирот ворид шудааст, мусоидат намуда, солимии зан барқарор мешавад. Ҳамчунин, синамаконӣ ба паст шудани ҳамли номатлуб мусоидат мекунад, – мегӯяд сардухтури беморхонаи марказии шаҳри Левакант Ҳусейн Эмомов.