4-уми октябр, баҳри пешгири аз хурофот, омилҳои номатлуб, пешгири аз тероризму экстремизм, авбошӣ ва дигар амалҳои ба ҷамъият хавфнок, тибқи як нақша-чорабинии муштарак, мудири шуъбаи кор бо ҷавонони КИ ҲХДТ дар вилояти Хатлон-Раҳимзода Меҳроҷ, масъулини бахши дин, танзими анъана ва ҷашну маросим, бахши кор бо ҷавонон ва варзиши шаҳри Левакант, зимни адои намози ҷумъа бо намозгузорон дар масҷиди ҷомеи шаҳри Левакант вохӯрӣ гузаронида шуд.
Имрӯз 3-юми октябр, бо ташаббуси Мақомоти иҷроияи ҳокимияти давлатии шаҳри Левакант, дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба саривақт ва беталаф ҷамовари намудани тиллои сафед, масъулини бахшу шуъбаҳои Мақомоти иҷроия, роҳбарону кормандони ташкилоту корхонаҳои шаҳрӣ, Муассисаҳои КАТС, ҶСК Ориёнбонк, КИ ҲХДТ дар шаҳр, кумитаи шаҳрии ТҶММ, муассисаҳои таълимӣ, Муассисаи давлатии нигаҳдории роҳҳои автомобилгард ва дигар ташкилоту муассисаҳо беш аз 200-нафар ба ҳашар баромада, дар хоҷагии деҳқонии "Зарзамини Левакант" пахта чиданд.
3-юми октябр, дар шаҳри Левакант, чорабинии идона бахшида ба Рӯзи забони давлатӣ тантана кард. Дар оғоз намоиши асарҳои пурмуҳтавои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастоварди хонандагону омӯзгорон ва маҳсули меҳнати ҳунармандон манзури роҳбарияти шаҳр ва меҳмонони чорабинӣ гардонида шуд.
3-юми октябр, дар варзишгоҳи марказии шаҳри Левакант, байни дастаҳои навраси «Сарбанд»-и шаҳри Левакант ва «Зарнисор»-и ноҳияи Вахш бозии дӯстонаи футбол баргузор гардид.
Бози хеле хуб ҷараён гирифта бо ҳисоби 5 бар 2 ба фоидаи футболбозони навраси дастаи «Сарбанд»-и шаҳри Левакант анҷомид.
Ин натиҷа аз он гувоҳи медиҳад, ки футболбозони навраси мо тамрини хуб мекунанд ва мурабиён кушиш доранд, ки дар рушди минбаъдаи футбол саҳми назарраси худро гузоранд.
Бахшида ба Рӯзи забон, хонандагону омӯзгорони Литсейи давлатии №1-и шаҳри Левакант, чорабинии идона гузарониданд.
Чорабинӣ аз бахшҳои намоиши китобу мақолаҳо-асарҳои Пешвои миллат муҳтарам Эмомалӣ Раҳмон, қироати шеъру маърӯзаҳо, иҷрои саҳначаҳои тарбиявӣ иборат буд.
Хонандагону омӯзгорон ба хотири арҷу эҳтиром гузоштан ба забони давлатӣ дар чорабинӣ фаъолона иштирок ва саҳмгузорӣ намуданд.
