Ба иттилои масъулини бахши ҳифзи иҷтимоии ва аҳолии шаҳри Левакант, худи ҳамин рӯз 14-уми феврал, волидони Қосимов Абуалӣ барои кумак ба кӯдаки маъюбашон муроҷиат намуданд. Масъулини бахш-дар пайи ин муроҷиат ба Абуалии 6-сола, ки ба аробачаи маъюби эҳтиёҷ дошт ба ӯ аробача кумак намуданд. Хушҳоии Абуалӣ ва падару модараш барои таъмини аробача бениҳоят афзуда, онҳо ҷиҳати дастгириҳои пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва МИҲД-и шаҳри Левакант, ба қишри ниёзманду осебпазир ва камбизоати аҳолӣ изҳори сипосу миннатдорӣ намуданд.

Имрӯзҳо аёдати пирону собиқадорон ва дасти кумак дароз намудан ба ниёзмандон дар партави дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вазифаи аввалиндараҷаи мақомоти иҷроияи ҳокимияти давлатии шаҳри Левакант гаштааст. Дар пайи ин тадбир имрӯз 14-уми феврал бахшида ба рӯзи баровардани қӯшунҳои ҳарбии Иттиҳоди Шӯравӣ аз хоки Афғонистон намояндагони Мақомоти иҷроия чанд тан ҷанговарони башардӯстро аёдат намуда аз ҳолу аҳволашон хабар гирифтанд.

Имрӯз 14-уми феврал, аз тарафи кормандони Корхонаи давлатии фаръии хоҷагии манзилию комуналӣ ва бахши фарҳанги шаҳри Левакант, дар боғи фарҳангӣ фароғатӣ ҳашари гулшинони гузаронида шуд. Дар ин рӯз кормандони ин ду сохтор гулҳои ороишию мавсими шинонида намои боғи фарҳангиро зеботар гардониданд.

Ҳамасола санаи 15 феврал дар аксари кишварҳои собиқ Иттиҳоди шӯравӣ, аз ҷумла дар Тоҷикистон ҳамчун рӯзи баровардани қӯшунҳои ҳарбии Иттиҳоди Шӯравӣ аз хоки Афғонистон ҷашн гирифта мешавад. Соли ҷорӣ аз ин санаи таърихӣ 35-сол сипарӣ гардид. Ба ин муносибат дар толори филиали ДБССТ дар шаҳри Леваканти вилояти Хатлон ҷамъомади тантанвӣ баргузор шуд.