Конститутсияи Ҷумҳурии Тоҷикистон аз дастовардҳои бузурги замони соҳибистиқлолии кишвар аст ва нақши он дар бунёд ва рушди давлати навини тоҷикон беназир мебошад.

Боиси ифтихор аст, ки сокинони шарафманди кишварамон ҳамасола ин санаи таърихӣ, яъне 6-уми ноябр – Рӯзи Конститутсияи Ҷумҳурии Тоҷикистонро бо шукуҳи хоссаву сарбаландӣ, ифтихор аз ватандорию соҳибдавлатӣ таҷлил менамоянд. Имсол сокинони бошарафи кишварамон бо ифтихори бузург 30-солагии қабули ин санади олии ҳуқуқӣ – Конститутсияи Ҷумҳурии Тоҷикистонро таҷлил мекунанд. Маҳз натиҷаи қабул ва татбиқи ин ҳуҷҷати сарнавиштсоз аст, ки давраҳои сангини таърихӣ (ҳодисаҳои солҳои 90-ум) бартараф шуда, тамоми соҳаҳо марҳила ба марҳила ба дастовардҳои назаррас ноил гашта, ба сӯи ояндаи дурахшон устуворона пеш рафта истодаанд. Натиҷаи фаъолияти шабонарӯзии Ҳукумати мамлакат, бахусус Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, пуштибонии мардуми Тоҷикистон буд, ки дар як давраи нисбатан кӯтоҳи таърихӣ сохти конститутсионӣ барқарор гашта, дар кишвар сулҳу амният таъмин шуд ва зиндагии мардум, рушди иқтисодию иҷтимоии кишвар маҷрои хосса гирифт. Яъне, фазои орому осоиштаи кишвар, ки бо татбиқи ин санади олии ҳуқуқӣ таъмин шуд, барои рушди бонизому устувори иқтисодиву иҷтимоии мамлакат шароити муносиб фароҳам овард.

Муфассал

Бахшида ба 30-солагии Конститутсияи Ҷумҳурии Тоҷикистон байни ҷавонони шаҳрҳои Левакант, Бохтар, Норак ва ноҳияҳои Абдураҳмони Ҷоми, Кушониён, Дустӣ мусобиқаи кушоди Самбо баргузор шуд. Дар ин мусобиқа ҷавонони шаҳри Левакант, бо бартарияти бештар 15 медал, 4-тилло, 5-нуқра ва 6-медали биринҷиро ба даст оварданд.

Муфассал

Ҳамватанони гиромӣ!

Ҳамасола 6 – уми ноябр дар саросари кишвари азизи мо Рӯзи Конститутсияи Ҷумҳурии Тоҷикистон, ки соҳибихтиёрӣ, истиқлолият ва тамомияти арзии мамлакатамонро таъмин намуда, кафили баробарҳуқуқии шахс, озодӣ, дӯстии тамоми халқу миллатҳо мебошад, ботантана таҷлил карда мешавад.

Кулли сокинони шарафманди кишварро аз самими қалб ба ин муносибат табрику шодбош гуфта, ба ҳамагон тандурустии комил, хонаободӣ ва дастовардҳои нав ба нав таманно менамоям.

Муфассал

Дар заминаи дастуру супоришҳои Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон, оид ба сарсабзу хуррамгардонии Ватани азизамон ва дар ин раван ба кишвари сабз табдилдодани он дар асоси нақша чорабиниҳои таҳрези намудаи Кумитаи иҷроияи Ҳизби Халқии Демократии Тоҷикистон дар шаҳри Левакант, бо мақсади сазовор таҷлил намудани 30-солагии таъсисёбии Ҳизби Халқии Демократии Тоҷикистон ва ҷиҳати ободу зебо гардонидани гушаю канори шаҳр имрӯз бо иштироки масъулини Кумитаи иҷроияи ҲХДТ дар шаҳри Левакант, аксияи гулшинонӣ зери унвони “Ҳизби Халқии Демократии Тоҷикистон - ҳизби созандаву бунёдкор!” баргузор гардид. Дар аксияи мазкур масъулин бо меҳнати софдилона ва ба як руҳияи баланд дар аксияи мазкур фаъолона ширкат варзида гулҳои зебову ороишеро, ки тавваҷӯҳи ҳар бинандаро ба худ ҷалб менамояд, дар саҳни Кумитаи иҷроия шинониданд.

Имрӯз 5-уми ноябр, дар толори Қасри Фарҳанги шаҳри Левакант, бахшида ба 30-солагии Рӯзи Конститутсияи Ҷумҳурии Тоҷикистон чорабинии идона баргузор гардид.

Дар чорабинӣ раиси шаҳри Левакант-Муминзода Мастура Табарӣ, муовинон ва роҳбари дастгоҳи раис, роҳбарони мақомоти ҳифзи ҳуқуқ, роҳбарону кормандони ташкилоту муассисаҳои шаҳрӣ иштирок намуданд.

Муфассал

...