Иҷрокунандаи вазифаи раиси шаҳри Левакант, Муминзода Мастура Табарӣ аз рафти кишти баҳорӣ дар хоҷагиҳои қаламрави ҷамоати деҳоти "Гулистон" дидан намуд. Ӯ дар коргоҳи "Витаминҳои Тоҷикистон" бо коргарзанони ин коргоҳ суҳбат ороста, аз кору зиндагиашон пурсон шуд. Чун расми хуби тоҷикона дар арафаи баҳору Наврӯз ба ҳар кадомашон китоб тақдим намуд. Сипас аз кӯчатҳое, ки дар гармхона омода шудаанд дидан намуда ба кормандон барори кор хост.
Иҷрокунандаи вазифаи раиси шаҳри Левакант, Муминзода Мастура Табарӣ, аз вазъи парваришу нигаҳдории чорво да хоҷагии "Зағертут"-и ҷамоати деҳоти "Ваҳдат" дидан намуд. Бояд гуфт, ки дар ин хоҷагӣ беш аз 4 ҳазор чорвои майда парвариш меёбад, ки зотҳои гусфанди ҳисорӣ ва маҳаллӣ мебошанд. Мавсими наслгириро низ дар соли ҷорӣ чорвопарварон хеле хуб паси сар намудаанд, ки ин аз таҷрибаи бойи чорвопарварӣ мебошад.
9-уми март, бо ташаббуси Кумитаи марказии Ташкилоти мададгори мудофиа дар шаҳри Левакант бахшида ба Ҷашни Наврӯзи байналмилалӣ пойгаи мотосиклронӣ баргузор шуд.
Дар расми тантанавии кушодашавии мусобиқа раиси Кумитаи Марказии Ташкилоти ҷамъиятии мададгори мудофиаи Ҷумҳурии Тоҷикистон генерал-майор Миралӣ Раҳматзода дар суханронии хеш роҷеъ ба инкишофи ин намуди варзиш ёдрас гардида, ба варзишгарон ҷиҳати дастёбӣ ба нишондодҳои баланди маҳорат ва малака, инчунин соҳиб гардидан ба мақомҳои намоён пирӯзӣ таманно намуд.
Паёми шодбошии иҷрокунандаи вазифаи раиси шаҳри Левакант Муминзода Мастура Табарӣ бахшида ба “Рӯзи модар”
Ҳамдиёрони азиз !
Модар азизтарин мавҷуди рӯйи замин мебошад ва зиндагӣ аз нафаси гарму дилнавози ӯ оғоз мегирад.
Дар арафаи Рӯзи Модар бо супориши иҷрокунандаи вазифаи раиси шаҳри Левакант-Муминзода Мастура Табарӣ чанд тан аз шахсони имконияти маҳдудидошта аёдат шуда бо туҳфаҳо қардшиносӣ шуданд.
