Яке аз корҳои хайру савоб барои мардуми мусалмон дар арафаи иду ҷашнҳо роҳ сохтану тоза намудани атрофи оромгоҳҳо мебошад, ки ҷавонони деҳаи Зағертути ҷамоати деҳоти «Ваҳдат» бо ташаббуси раиси маҳала Қаландарзода Мирзоалӣ ва эмомхатиби масҷиди деҳа Қаландарзода Назаралӣ ин амали хайру савобро анҷом доданд.
Бо ташаббуси ҷавонони ҷамоати шаҳраки «Сарбанд»-и шаҳри Левакант, дар моҳи шарифи Рамазон ва арафаи иди Рамазон, аз ҷониби роҳбарияти меҳмонхонаи «Фароз» Мирзоев Файзулло ба 5 оилаи маъюб кумаки яквақтаинаи ғизоӣ аз қабилӣ орд, равған, биринҷ, шакару намак расонида шуд.
Шахсони хайрхоҳу саховатпеша ба ниёзмандон дасти кумак дароз мекунанду бо ин васила халтаи савоби худро пур месозанд.
Сарпарасти муассисаи томактабии хусусии "Нигина"-и шаҳри Левакант, Асадуллоева Мадина дар арафаи иди саиди Фитр, ба тамоми кормандони муассиса кумаки якдаъфаинаи ғизоӣ аз қабили орду равған, биринҷ ва дигар анвои ғизоӣ расонид, ки ин амали ӯ тамоми мурабияҳо ва кормандони муассисаро шод намуд.
Имрӯз 5-уми апрел, гурӯҳи корӣ, тибқи нақша-чорабинии мақомоти иҷроияи ҳокимияти давлатии шаҳри Левакант, баҳри иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сокинони деҳаи Вахши ҷамоати шаҳраки "Сарбанд" вохӯрӣ намуданд.
Дар муассисаи давлатии таълимии томактабии №1-и шаҳри Левакант, бо иштироки падару модарон рӯзҳои волантиёрӣ таҳти унвони "Мо дар тарбия ҳамроҳем" ташкил шуда идома дорад.
