Имрӯз 16-уми апрел, дар толори фарҳангии муассисаи таҳсилоти миёнаи умумии №15-и шаҳри Левакант, тибқи нақша-чорабинии Раёсати маорифи вилояти Хатлон, бахшида ба 100-солагии мунаққид, адабиётшинос Соҳиб Табаров Конференсияи илмӣ-бадеӣ баргузор гардид.

Имрӯз 16-уми апрел, ҷиҳати иҷрои банди 185, Барномаи амалии мақомоти Ваколатдор оид ба ҳуқуқи инсон дар Ҷумҳурии Тоҷикистон барои соли 2024, дар толори маҷлисгоҳи мақомоти иҷроияи ҳокимияти давлатии шаҳри Левакант бо мудирони шуъбаю бахшҳо ва кормандони ташкилоту корхонаҳо вохӯрӣ баргузор гардид.

Дар ин вохӯрӣ роҳбари дастгоҳи раиси шаҳри Левакант-Абдуҷаббор Эмомов, сардори Шуъбаи ҳифзи давлатии ҳуқуқҳои иқтисодӣ, иҷтимоӣ ва фарҳангии мақомоти Ваколатдор оид ба ҳуқуқи инсон-Бобохонзода Саидалӣ, сармутахассиси Шуъбаи мазкур-Салоҳидинзода Муҳаммад иштирок намуда, дар масъалаҳои «Соли маърифати ҳуқуқӣ» эълон шудани соли 2024, Санадҳои миллӣ ва байналмилалӣ дар самти ҳуқуқи маъюбон, Пешгирии зӯроварӣ дар оила, Муҳоҷирати бехатар ва Стротегияи ҳуқуқи инсон то соли 2038 баромад намуда, фаҳмондадиҳӣ карданд.

Дар толори касри Фарҳанги шаҳри Левакант, даври шаҳрии Озмуни ҷумҳуриявии «Тоҷикистон ватани азизи ман» баргузор гардид.

Довталабон аз рӯйи ҳамаи номинатсияҳои озмун иштирок намуда маҳорати худро пешкаши аъзои ҳакамон ва иштирокчиён намуданд.

Имрӯз 15-уми апрел, дар варзишгоҳи марказии шаҳри Левакант, Ситоди мудофиаи ҳудудӣ баргузор гардид. Ҳайати шахсии Комиссариати ҳарбӣ, аъзоёни Ситоди шаҳрии мудофиаи ҳудудӣ ва роҳбарони корхонаву муассисаҳо сари вақт хабардор гардида, ҷамъшавии қувва ва воситаҳои мудофиаи ҳудудӣ дар нуқтаи пешакӣ оғоз шуд.