13 июли соли 2019 дар толори қасри фарҳанги мақомоти иҷроияи ҳокимияти давлатии шаҳри Левакант таҳти роҳбарии раиси шаҳр Давлатзода Зарина Дилмурод ҷаласаи ҷамъбастӣ оид ба натиҷаҳои рушди иҷтимоию иқтисодии шаҳр дар 6- моҳи соли 2019 ва вазифаҳо барои нимсолаи дуюм баргузор гардид.
Имрӯз бо мақсади иҷрои дастуру супоришҳои ғамхоронаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбати оилаҳои эҳтиёҷманд ва ятимон аз ҷониби намояндаи Ҳукумати Ҷумҳурии Тоҷикистон дар шаҳри Левакант Чиллазода Қ.-раиси Палатаи ҳисоби Ҷумҳурии Тоҷикистон ва раиси шаҳр ба 7 оилаҳои эҳтиёҷманд кумакҳои яквақтаина расонида шуда, ин иқдомҳои нек дар оянда низ ба ин табақаҳои ниёзманди аҳолӣ ба роҳ монда мешаванд.
11 июли соли ҷорӣ дар муассисаи таҳсилоти миёнаи умумии №8-и ҷамоати деҳоти «Гулистон» аз тарафи мутахассисони маркази мубориза бар зидди бемории ВНМО дар якҷояги бо кормандони МТТҲС дар байни омӯзгорон ва аҳолии ин деҳа доир ба пешгирии вируси норасоии масунияти одам ва бемории пайдошудаи норасоии масуният (ВНМО/ БПНМ) вохӯрӣ доир карда шуд.
Тибқи Низомномаи мусобиқаи «Футбол» байни ҷавонони аъзои ТҶҶ «Созандагони Ватан» даври дуюми мусобиқаи футбол дар ҷамоати деҳоти «Ваҳдат» байни деҳаҳои Истиқлол ва Навобод баргузор гардид.
Тибқи нақшаи Кумитаи иҷроияи ҲХДТ дар шаҳри Левакант дар ташкилоти ибтидоии ҳизбӣ шабакаҳои барқи шаҳр хониши сиёсӣ баргузор гардид, ки дар он раиси Кумитаи иҷроияи ҲХДТ дар шаҳри Левакант Ватанзода Сайҷафар, мудири шуъбаи таблиғот, иттилоот ва матбуот Суҳроб Валиев, инчунин кормандони шабакаҳои барқ иштирок доштанд.
