Рӯзи 07.05.2019 бо ибтикори бахши кор бо ҷавонон ва варзиши шаҳр дар толори МТМУ №2 дар доираи Даҳсолаи байналмилалии амал «Об барои рушди устувор барои солҳои 2018-2028» конференсияи илмӣ-амалӣ баргузор гардид. Дар ин чорабини зиёда аз 140 нафар хонандагон иштирок намуданд.
Бо ташаббуси бахши кор бо ҷавонон ва варзиши шаҳри Левакант рӯзи 06.05.2019 дар толори муассисаи мазкур, мизи мудавввар таҳти унвони «Баҳри ҳифзат ҷоннисорӣ мекунем, Ватан!» бахшида ба ҳафтоду чор солагии Ғалаба дар ҷанги Бузурги Ватании солҳои 1941-1945 баргузор карда шуд. Мақсад аз баргузори ин чорабинӣ бедор намудани ҳисси ватандӯстию меҳанпарастии ҷавонон мебошад. Дар чорабини зиёда аз 70 нафар таълимгирандагон иштирок намуданд.
4 майи соли ҷорӣ бо ташаббуси Комиссия оид ба ҳуқуқи кӯдак дар ҳамкорӣ бо маркази ташаккули тарзи ҳаёти солим, бахши кор бо ҷавонон ва варзиш, бахши маориф, КИ ҲХДТ дар муассисаҳои таҳсилоти миёнаи умумии №№ 13 ва 6 - и ҷамоати деҳоти «Гулистон» бо хонандагони синфҳои ибтидои вохӯри доир гардид.
Бо иштироки кормандони масъули Кумитаи иҷроияи ҲХДТ дар шаҳри Левакант дар ташкилоти ибтидоии ҳизбии «Парафшон»-и шаҳр вохӯрӣ баргузор гардид.
Масъулин дар вохӯрӣ оид ба ҷалби ҷавонон ба хизмати ҳарбӣ, шарҳу тавзеҳи ва татбиқи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ки аз 26-декабри соли 2018 бармеояд ва дигар мавзӯъҳои мубрами рӯз суханрони карданд.
ТҶҶ «Созандагони ватан»-и Кумитаи иҷроияи ҲХДТ дар шаҳри Левакант бахшида ба таҷлили ҷашни Рӯзи Ғалабаи халқҳо дар ҶБВ ва бахшида ба рӯзи Ҷавонони Тоҷикистон бо аъзоёни ТҶҶ «Созандагони Ватан» ва Валантиёрон дар толори Кумита хониши сиёси доир гардонида шуд.
