18 ноябр аз рӯи нақшаи кории ТҶҶ «Созандагони Ватан»-и Кумитаи иҷроияи ҲХДТ дар шаҳри Левакант дар муассисаи таълимии №2-и шаҳр таҳти унвони «Пуштибони ватанем» вохӯрӣ доир гардид, ки зимни баргузории он масъулини Кумита бо як гурӯҳ хонандагони синфҳои болоӣ дар мавзӯъҳои муҳими рӯз суҳбат оростанд.
Бо ташаббуси Шӯрои собиқадорони ҷангу меҳнати шаҳр рӯзи 15 ноябр дар муассисаи таълимии №1 бахшида ба 27-умин солгарди Иҷлосияи 16-уми Шӯрои Олии Ҷумҳурии Тоҷикистон бо иштирокчии иҷлосияи 16-уми Шӯрои Олии Ҷумҳурии Тоҷикистон Саид Файзуллоев, аъзои Шӯрои собиқадорони ҷангу меҳнати шаҳр ва аъзои маҳфили адабии «Гулбазм» вохӯрӣ доир гардид.
Дар МТМУ №1 бахшида ба ду ҷашни бузарги давлатӣ, Иҷлосияи 16- уми Шӯрои Олӣ ва Рӯзи Президент чорабинӣ доир гардид. Нахуст омӯзгорону хонандагони ин муассиса барномаи омоданамудаи худро пешниҳоди ҳозирин гардониданд.
Кӯчаву хиёбонҳои шаҳр бахшида ба ин санаи фархунда идона ороста шуда буд. Дар назди Қасри фарҳанг намоиши ҳунарҳои миллӣ пешкаши сокинон ва меҳмонон гардонида шуд.
Бахшида ба рӯзи Президент 16-ноябр ва дар ҳошияи 30-юмин солгарди Истиқлолияти давлатии Ҷумҳурии Тоҷикистон дар беморхонаи марказии шаҳри Левакант як ҳуҷраи стомотологӣ бо маблағи 115 ҳазор сомонӣ таъмир ва бо таҷҳизоти муосири тиббӣ ҷиҳозонида шуд. Ду бунгоҳи тиббӣ дар деҳаи Сарбанд, пули мошингузар дар деҳаи Нурафшон ва маркази хизматрасонӣ иборат аз дорухона, сартарошхона ва мағоза дар деҳаи Истиқлоли ҷамоати деҳоти «Ваҳдат» бо ҷалби соҳибкорон ва шахсони саховатпеша сохта ба истифода дода шунанд.
