Бахшида ба Рӯзи Артиши миллии Ҷумҳурии Тоҷикистон бо ташаббуси раиси Ташкилоти собиқадорони ҷангу меҳнати шаҳри Левакант-Султонов Ҳикматулло як қатор собиқадорони меҳнат аз ҷониби маъмурияти муассисаҳои таълимии шаҳр аёдат шуда, бо кумак ва туҳфагузориҳо қадршиносӣ гардиданд.
23-юми феврал, бо супориши иҷрокунандаи вазифаи раиси шаҳри Левакант-Муминзода Мастура Табарӣ, бахшида ба 31-солагии Рӯзи Артиши миллии Ҷумҳурии Тоҷикистон муовини раиси шаҳр-Шоҳиён Саъдулло, мудири бахши кор бо занон ва оилаи мақомоти иҷроияи ҳокимияти давлатии шаҳри Левакант-Халилзода Нуқрамоҳ, Комиссари ҳарбии шаҳр-Ҳусейнзода Юнус ва ҳунармандони бахши фарҳанг, сарбозони дидбонгоҳи сарҳадии «Панҷоб», қисми ҳарбии 0307-ро ки дар ноҳияи Ҳамадонӣ мавқеъ дорад аёдат намуданд.
Бо ташаббус ва дастгирии иҷрокунандаи вазифаи раиси шаҳри Левакант-Муминзода Мастура Табарӣ, дар як гӯшаи Боғи фарҳангӣ-фароғатии шаҳр, бахшида ба Рӯзи Артиши миллӣ барои собиқадорон чойхона ифтитоҳ гардид ва дар маросими ифтитоҳи чойхона барои собиқадорон дастархони идона ороста шуд.
Ҳамдиёрони азиз!
Имрӯз мардуми Тоҷикистони соҳибистиқлол 31-солагии таъсисёбии Қувваҳои Мусаллаҳи Ҷумҳурии Тоҷикистонро дар фазои сулҳу осоиштагӣ ботантана ҷашн мегиранд.
Ба ин муносибат ҳамаи Шумо ҳозирини гиромӣ, собиқадорон, ҷанговарони башардӯст ва сарбозони шуҷои Ватанро ба Рӯзи таъсисёбии Қувваҳои Мусаллаҳи Ҷумҳурии Тоҷикистон самимона табрик менамоям!
Қувваҳои Мусаллаҳи Тоҷикистон дар муддати хеле кутоҳи таърихӣ рушду инкишоф карда, ба ҳомии мустаҳаками марзу буми Ҷумҳурии Тоҷикистон табдил ёфтааст.
Дар ин давраи кутоҳи таърихӣ сарбозони Ватан дар роҳи бунёди давлати ҷавон, муътадилгардонии вазъи мамлакат ва пуштибонии сулҳу субот хизмати беназир намуданд.
Аз ҷасорату мардонагӣ, садоқати бепоён ва фидокории хизматчиёни ҳарбие, ки аз рӯзҳои нахустини таъсисёбии Қувваҳои Мусаллаҳи Ҷумҳурии Тоҷикистон дар ҳифзи манфиатҳои миллӣ ва истиқлоли ватани хеш зоҳир намудаанд, мо ҳамеша сипосгузорем.
Хотираи неки онҳое, ки ба қасами ҳарбӣ содиқ монда, дар ин роҳ қурбон шудаанд, дар дилу дидаи мардум то абад зинда хоҳад монд.
Ҳамватанони азиз!
Таърихан халқи тоҷик на ҷангҷӯ, балки ватандӯсту ватанпараст мебошанд.
Дар арафаи Рӯзи Артиши миллӣ, дар толори маҷлисгоҳи Муассисаи ғайридавлатии Колеҷи тиббӣ-иҷтимоии шаҳри Левакант, гурӯҳи кории МИҲД-и шаҳри Левакант бо донишҷӯёну омӯзгорон, вобаста ба пешгирӣ аз экстремизму терроризм, нашъамандӣ, одатҳои бад, пешгири аз пушиши либоси ба фарҳанги миллии мо бегона ва дигар омилҳои номатлуб вохӯрӣ намуданд.