ТАҶЛИЛИ ИСТИҚЛОЛИЯТИ ДАВЛАТӢ ДАР ДОНИШКАДАИ БАЙНАЛМИЛАЛИИ ЛЕВАКАНТ
7-уми сентябр, ҷиҳати таҷлили сазовори 33-юмин солгарди Истиқлолияти давлатии Ҷумҳурии Тоҷикистон дар Донишкадаи байналмилалии Леваканти ДБССТ чорабинии сатҳи баланд бо иштироки ректори Донишгоҳ профессор Асрорзода Убайдулло Саттор баргузор гардид.
Ректори Донишгоҳ профессор Асрорзода Убайдулло Саттор кулли омӯзгорону донишҷӯёни Донишкадаи байналмилалии Левакант, Коллеҷи саноат ва хизматрасониҳои иҷтимоии шаҳри Левакант ва омӯзгорону хонандагони Литсей касбии саноати кимиёи шаҳри Левакант, ки аз сохторҳои таркибии Донишгоҳи байналмилалии сайёҳӣ ва соҳибкории Тоҷикистон маҳсуб меёбанд ба ифтихори 33-юмин солгарди Истиқлолияти давлатии Ҷумҳурии Тоҷикистон табрик гуфта, барояшон дар фаъолияти меҳнатӣ барору комёбиҳои рӯзафзун таманно намуд.
ЛЕВАКАНТ: ОБОДОНИЮ ГУЛШИНОНИ ДАР НАЗДИ МУАССИСАҲОИ КАТС
Кормандони Муассисаҳои КАТС-и шаҳри Левакант, бо истиқбол аз Истиқлолияти давлатии Ҷумҳурии Тоҷикистон 5-уми сентябр, дар назди бинои Муассиса, корҳои ободонӣ гузаронида гулшинонию тозакориҳо карданд.
ЛЕВАКАНТ: ЛИБОСИ МИЛЛӢ-ИФТИХОРИ МАН
6-уми сентябр, масъулини бахши кор бо занон ва оилаи Мақомоти иҷроияи ҳокимияти давлатии шаҳри Левакант тибқи нақша-чорабиниҳо бахшида ба Истиқлолияти давлатии Ҷумҳурии Тоҷикистон дар саҳни Муассисаи давлатии таълимии «ЛКСК»-и ДБССТ дар шаҳри Левакант, Аксияи «Мо тоҷикона мепӯшем»-ро бо пӯшиши либоси миллӣ роҳандозӣ намуданд.
Дар ин аксия занону бонувон ва гулдухтарони шаҳр бо пӯшидани либосҳои миллӣ иштирок намуда, бори дигар исбот намуданд, ки либоси миллии тоҷикона мавқею моқоми хоссаи худро дорад. Онҳо либоси миллии тоҷиконаро ба бар намуда ифтихор намуданд, ки тоҷиканду тоҷикона мепӯшанд ва ҳамеша либоси миллиро ба бар хоҳанд кард.
ЛЕВАКАНТ: ГУЛШИНОНИЮ ЗЕБОГАРДОНӢ
Ба истиқболи ҷашни фархундаи миллӣ, 33-солагии Истиқлолияти давлатии Ҷумҳурии Тоҷикистон дар шаҳри Левакант, корҳои тозагӣ, ободонӣ ва гулшинонӣ ҷараён дорад.
Имрӯз 30-юми август, кормандони Корхонаи давлатии фаръии хоҷагии манзилию комуналӣ ва Боғи фарҳангӣ дар гулгашти Парчами миллӣ ва ду шафати кӯчаи марказӣ гулҳои ороишию мавсимӣ шинонида, зебогии шаҳрро таъмин намуданд.
Чунин корҳои ободонӣ, созандагию бунёдкорӣ, васлу насби шиору овезаҳои идона идома дошта, сокинони шаҳр кӯшиш менамоянд, ки Истиқлолияти давлатиро бо дастовардҳои назаррас истиқбол бигиранд.
ЛЕВАКАНТ: КОРҲОИ ОММАФАҲМОНӢ БАҲРИ БАЛАНД БАРДОШТАНИ МАДАНИЯТИ ШАҲРНИШИНӢ
Чанде пеш тибқи нақша-чорабинии Мақомоти иҷроияи ҳокимияти давлатии шаҳри Левакант, мудири шуъбаи рушди иҷтимоӣ ва робита бо ҷомеаи дастгоҳи раиси шаҳр-Холилзода Нуқрамоҳ, иҷрокунандаи вазифаи раиси ҷамоати шаҳраки “Сарбанд”-Саидқулов Манучеҳр, намояндаи ШВКД дар шаҳр ва дигар масъулин дар ҳудудди шаҳр оиди бартарафнамоии савдои кӯчагӣ, нав намудани овезаҳои таблиғотии молу маҳсулат, ҳолатҳои санитарӣ ва маданияти шаҳрнишинӣ корҳои фаҳмондадиҳӣ гузарониданд.