Масъулини Кумитаи иҷроияи ҲХДТ дар шаҳри Левакант дар доираи татбиқи амалии Аксияи ҳизбии «Якҷоя ҳал мекунем!» ба китобхонаи муассисаи таҳсилоти миёнаи умумии №6- Ҷамоати деҳоти «Гулистон» беш аз 50-адад китобҳои бадеӣ туҳфа намуданд.
Муассисаи таҳсилоти иловагии назди бахши маорифи шаҳр рӯзи 16.09.2019 фаъолияти маҳфилҳои худро оғоз намуд. Дар ин асно муассиса намоишгоҳ ташкил намуд, ки корҳои дастии аъзоёни маҳфилҳоро дар бар мегирад. Маҳсули дастони аъзоёни маҳфилҳои «Бофандагӣ», «Чакандӯзӣ», «Дастони моҳир», «Шоҳмот» ва «Мусавварон» ба намоиш гузошта шуданд. Инчунин дастовардҳои муассиса дар давоми соли гузашта ба тариқи проектор намоиш дода шуд. Дар чорабинии мазкур намояндаи муассисаи таҳсилоти иловагии вилояти Хатлон Худойдодова Дилбар иштирок намуданд.
Дар доираи Фармоиши Раёсати тандурустии вилояти Хатлон аз 16.09.2019, №107 «Дар бораи баргузор намудани Корвони саломатӣ дар Маркази саломатии репродуктивии шаҳру ноҳияҳои вилояти Хатлон» аз тарафи Муассисаи кӯмаки аввалияи тиббию санитарии шаҳри Левакант дар деҳаи Вахши ҷамоати деҳоти «Ваҳдат» рӯзи 16 сентябр Корвони саломатӣ гузаронида шуд.
