Субҳи имруз тибқи супоришҳои и.в.Раиси шаҳри Левакант муҳтарам Муминзода Мастура Табарӣ кормандони мақомоти иҷроияи ҳокимияти давлатии шаҳри Левакант корҳои фаҳмондадиҳиро бо сокинони кӯчаҳои Н.Хусрав-42, 45 ва 47 оиди тозаву озода намудани гирду атрофҳои манзилҳои истиқоматӣ, рангу бори дарахтон, шинонидани гулу гулбуттаҳо, овезон накардани либосҳо аз айвонҳои манзилҳои истиқоматӣ,риояи маданияти шаҳрдорӣ ва пешгирии пушидани сари либоси ба фарҳанги миллии мо бегона байни занону ҷавондухтарон ба роҳ монданд.

25-уми апрел, тибқи нақша-чорабинии мақомоти иҷроияи ҳокимияти давлатии шаҳри Левакант, дар доираи «Соли маърифати ҳуқуқӣ» ва пешгири аз ҷиноят ва дигар омилҳои номатлуб дар муссисаи таҳсилоти миёнаи умумии №13-и шаҳр, бо сокинони деҳаи Меҳрободи ҷамоати деҳоти «Гулистон» вохӯрӣ баргузор гардид.

25-уми апрел, муовини раиси шаҳри Левакант-Шоҳиён Саъдулло ва дигар намояндагони мақомоти иҷроияи ҳокимияти давлатии шаҳр, вобаста ба давомот ва сатҳу сифати таълиму тарбия аз муассисаи таҳсилоти миёнаи умумии №13-и деҳаи Меҳрободи ҷамоати деҳоти «Гулистон» дидан намуданд. Масъулин бо хонандагон саволу ҷавоб намуда, аз донишашон воқиф гардиданд, сатҳи давомоти хонандагон низ хуб буд. Ва ба омӯзгорон барои таълиму тарбияи дурусти насли наврас изҳори сипос намуданд.

 

Муфассал

Имрӯз 24-уми апрел, тибқи нақша-чорабинӣ дар доираи эълон гардидани Соли 2024 ҳамчун «Соли маърифати ҳуқуқӣ» дар толори фарҳангии филиали Донишгоҳи байналмилалӣ сайёҳӣ ва соҳибкории Тоҷикистон дар шаҳри Леваканти вилояти Хатлон, бо мудирони шуъбаю бахшҳои Мақомоти иҷроияи ҳокимияти давлатии шаҳри Левакант, роҳбарони ташкилоту корхонаҳо, омӯзгорону донишҷӯён вохӯрӣ баргузор гардид.

Имрӯз 24-уми апрел, иҷрокунандаи вазифаи раиси шаҳри Левакант-Муминзода Мастура Табарӣ дар якҷоягӣ бо масъулини бахши кишоварзии шаҳр, аз рафти кишти пахта ва дигар корҳои саҳроии хоҷагиҳои деҳқонии ҷамоати деҳоти «Гулистон» дидан намуд. Ба иттилои масъулини бахши кишоварзӣ айни ҳол кишти пахта ҷараён дошта хоҷагидорон аз 1030 га нақшаи кишти пахта 950 га-ро кишт намудаанд, ки то ба ин рӯз 92%-и иҷроиши нақшаро ташкил медиҳад. Кишти пахта ҷараён дошта барзгарон азм доранд, ки то охири ҳафтаи ҷорӣ нақшаи кишти пахтаро ба пурагӣ иҷро намоянд.