ЛЕВАКАНТ: ТУҲФАГУЗОРӢ БА ЗАНОНУ БОНУВОНИ ФАЪОЛ ВА СОБИҚАДОР

.

Бо ташаббуси Мақомоти иҷроияи ҳокимияти давлатии шаҳри Левакант, беш аз 80 занону бонувони собиқадор ва фаъол бахшида ба Рӯзи Модар барои саҳми арзанда гузоштан дар таълиму тарбияи фарзанд, иштироки фаъолона дар корҳои ҷамъиятӣ, ҳамкориҳои доимӣ ва зич бо Мақомоти иҷроия туҳфагузорӣ ва қадршиносӣ шуданд.

Муфассал

ЛЕВАКАНТ: Масъулини Муассисаи давлатии нигаҳдории роҳҳои автомобилгарди шаҳри Левакант, занону бонувони ин коргоҳро дар Рӯзи Модар бо табрикнома ва гулу туҳфаҳои пулӣ шод гардониданд.

.

Изатуллозода Раҷабалӣ директори муассиса, ҳар як зани ин коргоҳро табрик намуда, ба онҳо туҳфа тақдим намуд. Ва гуфт, ки меҳнату заҳмати ҳар кадоми шумо дар баробари мардон шоистаи дастгирист.

ЛЕВАКАНТ: АЁДАТИ ОМӮЗГОРИ СОБИҚАДОР БАХШИДА БА РӮЗИ МОДАР

.

Бахшида ба Рӯзи Модар, раиси шаҳри Левакант-Муминзода Мастура Табарӣ, муовини раиси шаҳр-Шоҳиён Саъдулло, мудири бахши маориф Раҳимов Файзулло ба аёдати омӯзгори собиқадори русзабон, Степанова Жанна Анатолеевна рафта, бо туҳфаҳо ӯро қадрдонӣ карданд.

Муфассал

ЛЕВАКАНТ: ХОЛАИ САИДМОҲ-БЕҲТАРИН ТУҲФА ДИДОРИ ПИСАРИ САРБОЗАМ МЕБОШАД

.

Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар тамоми шаҳру ноҳияҳои кишвар Аксияи «Туҳфаи сарбоз ба модар» ташкил гардид. Дар доираи ин ташаббус Ҳакимов Ислом ҷавонписари шаҳри Левакант, ки дар Қисми ҳарбии 6592-и Қушунҳои дохилии ВКД дар шаҳри Турсунзода адои хизмати Модар-Ватан мекунад, ба назди модар ва хонаводааш оварда шуд.

Муфассал

Модар-азизтарин мавҷуди рӯйи замин

.

 
Паёми шодбошии раиси шаҳри Левакант Муминзода Мастура Табарӣ, бахшида ба “Рӯзи модар”
Ҳамдиёрони азиз,
Модар азизтарин мавҷуди рӯйи замин мебошад ва зиндагӣ аз нафаси гарму дилнавози ӯ оғоз мегирад.
Зан-модар сарчашмаи меҳру вафо, олиҳаи зебоӣ, рамзи ишқи ҷовидонӣ, нахустин мураббӣ ва муаллими фарзанд мебошад. Зеро тору пуди модарон аз риштаи меҳру садоқат, самимият ба зиндагӣ бофта шуда, мароми ӯ дар ҳаёт пояндагии ваҳдату оромӣ, сарбаландию саломатии фарзандон аст.
Басо рамзист, ки ҳамасола бо омадани баҳор, бедоршавии табиат ва шукуфтани гулҳо “Рӯзи модар” истиқбол карда мешавад. Ҷашни модарон бо баҳор тавъам буда, зебоию назокат, муҳаббату самимият ва оғози зиндагӣ аз каломи модар ибтидо мегирад.

Муфассал