19-уми март, дар муассисаи давлатии таълимии томактабии №2-и шаҳри Левакант, бахшида ба ҷашни байналмилалии Наврӯз чорабинии идона баргузор гардид.
Дар чорабинӣ мудири бахши маорифи Мақомоти иҷроияи ҳокимияти давлатии шаҳри Левакант-Раҳимов Файзулло, маъмурияти муассиса, мураббиёну кормандон, тарбиятгирандагон ва дигар меҳмонон иштирок намуданд.
Бо ташаббуси КИ ҲХДТ дар шаҳри Левакант, дар як гӯшаи боғи фарҳангӣ фароғатии шаҳр, бахшида ба иди байналмилалии Наврӯз чорабинии идона баргузор гардид.
Дар чорабинӣ муовини раиси шаҳри Левакант-Шоҳиён Саъдулло, раиси КИ ҲХДТ дар шаҳри Левакант Олимзода Низора, мудири шуъбаи кор бо занони КИ ҲХДТ дар вилояти Хатлон-Ғафурова Рухсора ва дтигар меҳмонон иштирок намуданд. Меҳмонони чорабинӣ қабл аз оғоз аз намоиши ҳунарҳои мардумӣ, тарзи таҳия ва омода намудани таомҳои миллӣ дидан намуданд.
19-уми март, дар Муассисаи давлатии таълимии “ЛКСК”-и Донишгоҳи байналмилалии сайёҳӣ ва соҳибкории Тоҷикистон дар шаҳри Леваканти вилояти Хатлон, чорабинии идонаи Наврӯзӣ бо шукуҳу шаҳомати хосса баргузор гардид.
Дар чорабинӣ раиси КИ ҲХДТ дар шаҳри Левакант-Олимзода Низора, директори Муассиса Сафарзода Умедҷон, собиқадори меҳнат Мастов Абдулҳаким ва дигар меҳмонон иштирок намуданд. Меҳмонони чорабинӣ қабл аз оғоз аз намоиши ҳунарҳои мардумӣ, тарзи таҳия ва омода намудани таомҳои миллӣ ва намоиши варзишии таълимгирандагони Муассиса дидан намуданд.
Масъулини Муассисаи давлатии мактаби варзишии шаҳри Левакант, баҳри истиқболи сазовори ҷашни Наврӯзи байналмилалӣ як қатор чорабиниҳоро роҳандозӣ намудаанд.
Бо ҷалби дастпарварони Муассиса масъулин хониши сиёсӣ гузарониданд, ки ин як василаи пешгирии ҷавонон аз ҷиноят ва ҷалби онҳо ба варзиш мебошад.
Инчунин мусобиқаҳои варзишии бандкашӣ, гуштингирӣ, дастхобонӣ, гилбардорӣ, футбол, мусобиқаҳои зеҳнии шашкаву шоҳмон ҳамарӯза аз тарафи мураббиёни Муассиса бо ҷавонону наврасон бо усули деҳа ба деҳа ва маҳалла ба маҳалла гузаронида мешавад.
Имрӯз 18-уми март, дар муассисаи давлатии таълимии томактабии №1-и шаҳри Левакант, бахшида ба ҷашни байналмилалии Наврӯз чорабинии идона баргузор гардид.
Дар чорабинӣ маъмурияти муассиса, мураббиёну кормандон, тарбиятгирандагон ва дигар меҳмонон иштирок намуданд.
Дар оғоз мудири Муассисаи давлатии таълимии томактабии №1-и шаҳр-Каримова Дилором тамоми иштирокдорон, тарбиятгирандагон ва падару модаронро ба ҷашни фархундаи Наврӯз табрик намуд.
