Имрӯз 13-уми март, тибқи нақша-чорабинии Ташкилоти ҷамъиятии собиқадорони ҷангу меҳнати шаҳри Левакант, дар муассисаи таҳсилоти миёнаи умумии №6-и деҳаи Оқгазаи ҷамоати деҳоти «Гулистон» дар арафаи Иди Наврӯз бо хонандагони зинаи сеюми таҳсилот вохӯрӣ гузаронида шуд.
Раиси Ташкилоти собиқадоррни ҷангу меҳнати шаҳр-Султонов Ҳаматулло, мудирони бахшҳои дин танзими анъана ва ҷашну маросимҳо, ҳифзи иҷтимоии мақомоти иҷроияи ҳокимияти давлатии шаҳри Левакант, яке аз собиқадорон истиқоматкунандаи кӯчаи Розияи Озод Юлдошев Акрамро аёдат намуданд.
12-уми март, ҷиҳати шарҳу тавзеҳи Паёми Президент ба Маҷлиси Олӣ, гурӯҳи кории мақомоти иҷроияи ҳокимияти давлатии шаҳри Левакант, дар муассисаи таҳсилоти миёнаи умумии №6, бо сокинони деҳаи Боҳтурободи ҷамоати деҳоти "Гулистон", омӯзгорону хонандагони муассиса вохӯрӣ намуда, ҳамзамон дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба сокинон расониданд.
Бахши кор бо занон ва оила дар якҷоягӣ бо гурӯҳи корӣ нимаи дуюми рӯз дар муассисаи таҳсилоти миёнаи умумии-12 деҳаи Истиқлоли Ҷамоати деҳоти "Ваҳдат" сӯҳбату вохӯриро бо ҷалби хонандагон оиди савияи дониш ва давомоти хонандагон, баҳогузорӣ дар рӯзномаҳои дарсӣ, риояи пӯшидани сару либоси ягонаи мактабӣ, пешгирии шабгардию оворагардӣ, таҳсилотҳои ғайрирасмии динӣ, ҷинояткорӣ ва худкӯшиву худсӯзӣ роҳандозӣ намуданд.
