22-уми май дар арафаи баргузории чорабиниҳо бахшида ба Рӯзи ҷавонон бо ташаббуси шуъбаи кор бо занон ва ҷавонони Кумитаи иҷроияи ҲХДТ дар шаҳри Левакант модари Бахтовар Абдуллоев, ҷоизадори мусобиқаи байналмиллалӣ оид ба гӯштини тарзи самбои муҳорибавӣ, ки айни ҳол дар Федератсияи Русия дар муҳоҷирати меҳнатӣ қарор дорад, даъват шуда, сипосномаву туҳфаи КИ ҲХДТ дар шаҳри Левакант супорида шуд.
Тариқи шабакаҳои иттилоотӣ аз воқеаи нохуши шаби 19-уми май дар муассисаи ислоҳии №3/2-и Сарраёсати иҷрои ҷазои ҷиноятии Вазорати адлия воқеъ дар шаҳри Ваҳдат ба вуқуъомада огоҳ гашта, бори дигар мутмаин бар он шудам, ки террорист эътиқод ба ҳеҷ дин надорад ва ҳеҷ муқаддасоте барояш мавҷуд нест. Таассуфовар он аст, ки дар пайи бетартибиҳои дар ин муассисаи ислоҳотӣ роҳандозишуда, боз ҳам хуни инсон ба замин рехт. Боз ҳам хонаи касе ғамхона шуду навҳаи модаре ба афлок дакка хӯрд. Бигзор барои адои ҷазои гуноҳҳои вазнин паси панҷараҳои зиндон қарор доштанд, вале ҳеҷ кас ҳақ надошт ба ҳайси қозӣ ё довар қатлу куштори онҳоро амалӣ намояд.
21-май дар толори қасри фарҳанги шаҳр таҳти раёсати иҷрокунандаи вазифаи раиси шаҳри Левакант Давлатзода Зарина Дилмурод шӯрои кор бо ҷавонон доир гардид.
Дар кори Шӯро аъзо, роҳбарони мақомоти дахлдор ва ҷавонони фаъоли шаҳр иштирок доштанд.
Рӯзи 21. 05. 2019 ҷиҳати бурдани корҳои фаҳмондадиҳӣ, ташвиқотию тарғиботӣ барои амали гардонидани ҳадафҳои Барномаи “Стратегияи милли мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013 – 2020” ва “Стратегияи миллии солимии аҳолии Ҷумҳурии Тоҷикистон барои солҳои 2010 - 2020” дар муассисаи таълимии №10 чорабинӣ таҳти унвони “Мо тарзи ҳаёти солимро интихоб менамоем” доир гардид. Мақсад аз баргузории чунин чорабиниҳо ба хонандагон фаҳмонидани зарари нашъмандӣ, тамоку, пешгири намудани аз касалиҳои сироятии ВНМО ва интихоби ташаккули тарзи ҳаёти солим дар байни ҷавонон ва наврасон мебошад.
Рӯзи 21.05.2019 дар литсейи касбии техникии №2-и ноҳияи Ёвон олимпиадаи хонандагони муассисаҳои таҳсилоти ибтидоии касбӣ баргузор гардид, ки дар он 88 нафар довталаб аз 17 омӯзишгоҳ ва литсейҳои минтақаҳои Бохтари вилояти Хатлон иштирок намуданд.
