Дар арафаи Рӯзи Артиши миллии Ҷумҳурии Тоҷикистон, раиси шаҳри Левакант-Муминзода Мастура Табарӣ, муовини раиси шаҳр-Шоҳиён Саъдулло, роҳбари дастгоҳи раиси шаҳр-Шарифӣ Бобосафар Ҳамидзода, раиси Ташкилоти собиқадорони ҷангу меҳнат-Ҳикматулло Султонов, раисти Ташкилоти ҷамъиятии «Сипарони Ватан»-Бароталиев Сафар ва дигар масъулин ба хонаводаи хизматчии ҳарбӣ Ибодуллои Убайдулло аз ҷамоати шаҳраки «Сарбанд» ва сарбози қаторӣ Мирзоев Бахтовар аз ҷамоати деҳоти «Гулистон», ки зимни адои хизмат дар муноқишаҳои сарҳадии Тоҷикистону Қирғизистон қаҳрамонона ҳалок шудаанд рафта аёдат намуданд. Ҳамзамон аз ҷониби Мақомоти иҷроияи ҳокимияти давлатии шаҳри Левакант, ба оилаҳои онҳо кумакҳои модию молӣ расонида шуд.

22-юми феврал, дар Донишкадаи байналмилалии Леваканти ДБССТ ҳамоиши фарҳангӣ-адабӣ бахшида ба Рӯзи таъсисёбии Қувваҳои Мусаллаҳи Ҷумҳурии Тоҷикистон таҳти унвони «Артиши миллӣ-сипари боэътимоди давлату миллат» баргузор гардид.

Дар чорабинии раиси шаҳри Левакант-Муминзода Мастура Табарӣ, муовини ректори Донишгоҳи байналмилалии сайёҳӣ ва соҳибкории Тоҷикистон, номзади илмҳои иқтисодӣ, дотсент Зоирзода Исломбек, раиси Кумитаи иттифоқи касабаи кормандони маориф ва илми вилояти Хатлон-Ширинзода М., раиси кумитаи иҷроияи ҲХДТ дар шаҳри Левакант-Олимзода Низора, намояндагони Иттиҳоди ветеранҳои ҷанговарони интернатсионалисти собиқадори шаҳри Левакант ва омӯзгорону донишҷӯёни Донишкада иштирок доштанд.

Дар арафаи Рӯзи Артиши миллӣ, бо ташаббуси Ташкилоти собиқадорони ҷангу меҳнати шаҳри Левакант, яке аз собиқадори меҳнат Сардор Ёдгоров аёдат шуда аз ҷониби КДФ «Бақайдгирии молу мулки ғайриманқул» дар шаҳри Левакант ба ӯ кӯмаки яквақтаинаи ғизоӣ расонида шуд.

Собиқадори меҳнат (дар соҳаи барқ) Солиев Ашуралӣ бахшида ба Рӯзи Артиши миллӣ аз ҷониби раиси Ташкилоти собиқадорони ҷангу меҳнати шаҳри Левакант-Султонов Ҳикматулло ва мудири бахши дин, танзими анъана ва ҷашну маросимҳои Мақомоти иҷроияи ҳокимияти давлатии шаҳри Левакант-Маҳмад Хидирзода аёдат шуд. Дар ин аёдат раиси Ташкилоти собиқадорони ҷангу меҳнати шаҳри Левакант-Султонов Ҳикматулло бо ӯ суҳбат намудаву аз фаъолиятии меҳнатӣ ва хизматҳои ин собиқадори меҳнат ёдовар шуданд.

21-уми феврал, бо садо додани Суруди миллии Ҷумҳурии Тоҷикистон, дар саҳни Қасри фарҳанги шаҳри Левакант, бахшида ба 32-солагии таъсисёбии Қувваҳои Мусаллаҳи Ҷумҳурии Тоҷикистон чорабинии идона баргузор гардид.

Дар қисмати тантанавии чорабинӣ-раиси шаҳри Левакант Муминзода Мастура Табарӣ тамоми иштирокдоронро ба 32-юмин солгарди Рӯзи таъсисёбии Қувваҳои мусаллаҳи Ҷумҳурии Тоҷикистон табрик намуд.