20-уми феврал, тибқи нақша-чорабинии Мақомоти иҷроияи ҳокимияти давлатии шаҳри Левакант, гурӯҳи корӣ иборат аз сармутахассиси бахши кор бо занон ва оилаи Мақомоти иҷроия-Сангова Фариштамоҳ, масъулини Маркази ТТҲС-и шаҳр, масъулини Муассисаи давлатии Маркази пешгирии ВНМО бо донишҷӯёну омӯзгорони Муассисаи давлатии таълимии «ЛКСК»-и ДБССТ дар шаҳри Левакант корҳои таблиғотию ташвиқотӣ гузарониданд.
20-уми феврал, дар мавсими гулшинонию кабудизоркунӣ, масъулин ва кормандони Муассисаҳои КАТС-и шаҳри Левакант, дар назди бино ва ҳавлии Шуъбаи марказии Кумаки авалияи тиббию санитарии шаҳр, тариқи ҳашари дастаҷамъона кабудизоркунию гулшинонӣ карданд.
Дар ин рӯз онҳо беш аз 400 гулҳои ороишии плинтус, серенаи ҳиндугӣ, кашиан ва дигар гулу буттаҳоро шинонида ба саҳни бинои корхонаи худ зеби дигар бахшиданд.
Бо ташаббуси Ташкилоти собиқадорони ҷангу меҳнати шаҳри Левакант, бахшида ба 32-солагии Артиши миллӣ, собиқадороне, ки имконияти маҳдуди ҷисмонӣ доранд аёдат шуда, аз ҷониби КИ ҲХДТ дар шаҳри Левакант ва ҶСК «Ориёнбонк» кумаки яквақтаинаи ғизоӣ ва туҳфагузорӣ карда шуданд.
Раиси Ташкилоти собиқадорони ҷангу меҳнат-Султонов Ҳикматулло, раиси КИ ҲХДТ дар шаҳри Левакант-Олимзода Низора, директори ҶСК "Ориёнбонк"-Боронов Муҳаммадусмон, мудири бахши кор бо ҷавонон ва варзиши шаҳр-Шодихон Сафарзода ва дигар фаъолон зимни ин аёдат бо собиқадорони ҷангу меҳнат суҳбат намуда, аз вазъи зиндагӣ ва ҳолу аҳволашон пурсон гаштанд.
18-уми феврал, баҳри таёрӣ ва таъмини трактору дигар мошинолоти кишоварзӣ ҷиҳати кишти пахта ва зироатҳои полезӣ дар шаҳри Левакант, чорабинии «Хатти тайёр» гузаронида шуд.
Дар ин чорабинӣ рнаиси шаҳри Левакант-Муминзода Мастура Табарӣ, муовини Вазири кишоварзии Ҷумҳурии Тоҷикистон Асозода Нуралӣ, муовини якуми раиси вилояти Хатлон-Мирзозода Музафар, директори Корхонаи воҳиди давлатии ҷумҳуриявии «Тоҷикагролизинг»-Акрамзода Юсуф ва дигар масъулину механизаторҳо бо техникаву мошинолоти кишоварзӣ иштирок намуданд.
18-уми феврал, бо ташаббуси Мақомоти иҷроияи ҳокимияти давлатии шаҳри Левакант, бахшида ба 32-солагии таъсисёбии Қувваҳои Мусаллаҳи Ҷумҳурии Тоҷикистон ва Рӯзи Артиши миллӣ, раиси КИ ҲХДТ дар шаҳри Левакант-Олимзода Низора, мудири бахши кор бо занон ва оилаи Мақомоти иҷроия-Эшова Боғигул, масъулини Комиссариати шаҳри Левакант ва як гурӯҳ занону бонувон афсарону сарбозони Қисми низомии №07256-и Коминдатураи ҳарбии гарнизони Хатлонро аёдат намуданд.
