ЛЕВАКАНТ: ИФТИТОҲИ ИНШООТҲОИ ҶАШНИ БАХШИДА БА РӮЗИ ИСТИҚЛОЛИЯТ
Бахшида ба 33-солагии Истиқлолияти давлатии Ҷумҳурии Тоҷикистон дар назди муассисаи таҳсилоти миёнаи умумии №10-и деҳаи Зағертути ҷамоати деҳоти «Ваҳдат»-и шаҳри Левакант, 4-синфхонаи иловагӣ бо саҳми падару модар ва шахсони хайрхоҳу саховатпешаи маҳалӣ барои 200 хонанда дар ду баст мавриди истифода қарор гирифт.
Иҷрокунандаи вазифаи раиси шаҳри Левакант Муминзода Мастура Табарӣ, намояндаи Мақомоти иҷроияи ҳокимияти давлатии вилояти Хатлон Давлатов Маҳмадӣ ва дигар меҳмонон дар расми ифтитоҳи синфхонаҳои иловагӣ иштирок намуданд.
ЛЕВАКАНТ: ТАШАББУСИ МАҚОМОТ ВА ИҚДОМИ ВАКИЛОН ДАР АРАФАИ ИСТИҚЛОЛИЯТ
Дасти кумак дароз кардан ба ниёзмандон яке аз амалҳои хайру савоб ва вазифаи муҳими инсонӣ ба ҳисоб меравад.
Дар партави дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, бо ташаббуси Мақомоти иҷроияи ҳокимияти давлатии шаҳри Левакант, вакилони Маҷлиси вакилони халқи шаҳри Левакант, бахшида ба 33-солагии Истиқлолияти давлатӣ як қатор шахсони ниёзманд ва оилаҳои камбизоатро аёдат намуданд.
ТАҶЛИЛИ ИСТИҚЛОЛИЯТИ ДАВЛАТӢ ДАР ДОНИШКАДАИ БАЙНАЛМИЛАЛИИ ЛЕВАКАНТ
7-уми сентябр, ҷиҳати таҷлили сазовори 33-юмин солгарди Истиқлолияти давлатии Ҷумҳурии Тоҷикистон дар Донишкадаи байналмилалии Леваканти ДБССТ чорабинии сатҳи баланд бо иштироки ректори Донишгоҳ профессор Асрорзода Убайдулло Саттор баргузор гардид.
Ректори Донишгоҳ профессор Асрорзода Убайдулло Саттор кулли омӯзгорону донишҷӯёни Донишкадаи байналмилалии Левакант, Коллеҷи саноат ва хизматрасониҳои иҷтимоии шаҳри Левакант ва омӯзгорону хонандагони Литсей касбии саноати кимиёи шаҳри Левакант, ки аз сохторҳои таркибии Донишгоҳи байналмилалии сайёҳӣ ва соҳибкории Тоҷикистон маҳсуб меёбанд ба ифтихори 33-юмин солгарди Истиқлолияти давлатии Ҷумҳурии Тоҷикистон табрик гуфта, барояшон дар фаъолияти меҳнатӣ барору комёбиҳои рӯзафзун таманно намуд.
ЛЕВАКАНТ: ОБОДОНИЮ ГУЛШИНОНИ ДАР НАЗДИ МУАССИСАҲОИ КАТС
Кормандони Муассисаҳои КАТС-и шаҳри Левакант, бо истиқбол аз Истиқлолияти давлатии Ҷумҳурии Тоҷикистон 5-уми сентябр, дар назди бинои Муассиса, корҳои ободонӣ гузаронида гулшинонию тозакориҳо карданд.
ЛЕВАКАНТ: ЛИБОСИ МИЛЛӢ-ИФТИХОРИ МАН
6-уми сентябр, масъулини бахши кор бо занон ва оилаи Мақомоти иҷроияи ҳокимияти давлатии шаҳри Левакант тибқи нақша-чорабиниҳо бахшида ба Истиқлолияти давлатии Ҷумҳурии Тоҷикистон дар саҳни Муассисаи давлатии таълимии «ЛКСК»-и ДБССТ дар шаҳри Левакант, Аксияи «Мо тоҷикона мепӯшем»-ро бо пӯшиши либоси миллӣ роҳандозӣ намуданд.
Дар ин аксия занону бонувон ва гулдухтарони шаҳр бо пӯшидани либосҳои миллӣ иштирок намуда, бори дигар исбот намуданд, ки либоси миллии тоҷикона мавқею моқоми хоссаи худро дорад. Онҳо либоси миллии тоҷиконаро ба бар намуда ифтихор намуданд, ки тоҷиканду тоҷикона мепӯшанд ва ҳамеша либоси миллиро ба бар хоҳанд кард.
