Рӯзи 26-уми ноябр кормандони Маркази хизматрасонии иҷтимоӣ бо роҳбарии директори Марказ Ҷумахон Нигматов ба аёдати истифодабарандаи хизматҳои иҷтимоӣ Сайдалиева Гавҳарбӣ, ки бо амри тақдир аз чашми бино маҳрум шудааст, рафта, ба ӯ дар тозаву озода намудани бинои истиқоматиаш ва омода захираи сӯзишворӣ барои зимистонгузаронӣ кӯмак намуданд. 

Дар низоми қонунгузории Ҷумҳурии Тоҷикистон баъди ба даст овардани Истиқлоли давлатӣ ислоҳоти ҳуқуқӣ гузаронида шуд. Дар баробари пешрафти соҳаҳои ҳаёти сиёсӣ, иқтисодӣ, иҷтимоӣ ва фарҳангӣ вазъи ҷомеа низ тағйир ёфта, барои ба танзим даровардани муносибатҳои муҳимми ҷамъиятӣ зарурати қабули қонунҳои нав ва ё ворид намудани тағйиру иловаҳо ба санадҳои меъёрии ҳуқуқии амалкунанда, бо мақсади ба талаботи нави муносибатҳои ҷамъиятӣ мутобиқ гардонидани онҳо пеш меояд. Шаҳодати яке аз ин ҳолатҳо дар таҳрири нав қабул гардидани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» аз 20 июни соли 2024 маҳсуб мешавад.

Тоҷикистон, номи ту бар арши аъло мебарем,

Парчаматро боз боло, боз боло мебарем.

Таърих гувоҳ аст, ки аввалин миллати парчамдор, тоҷикон буданд. Дар

,,Шоҳнома,,-и безаволи Фирдавсии Тӯсӣ, дар қисми аввалинаш ,,Афсонавӣ,(Мифалогӣ) замоне, ки Фариддун шоҳ писари Отибин ва Фаромак дар ғорҳою марғзорҳо бо шири гови кабуд бо номи Бармоя калон шуд, дар Албурзкӯҳ дар лонаи Симурғ, бузург гардид ва бо як қувваи азими Ватандӯстонааш бар зидди Заҳҳоки аждаҳо пайкар ба набард баромад. Мардуми дар зери фишори ин шоҳи Аҳриманпеша бударо сарҷамъ намуд, Коваи оҳангар, кӣ ҳаждаҳ фарзандаш қурбони морони ин шоҳи зулмкор шуда буданд пешдомани чарминашро дар сари найза зада бар зидди Заҳҳоки Аждаҳо пайкар ба набард мебарояд, ки то ин замон бо номи Дирвши Коваёнӣ маъруф аст.

Парчами давлатии Ҷумҳурии Тоҷикистон дар баробари дигар муқаддасоти миллӣ нишон, суруди миллӣ насиби мо мардуми сарбаланди тоҷик гардид.

Имрӯз мо ифтихор аз он мекунем, ки соҳиби Парчами худ ҳастему бо доштани он давлату миллати худро муаррифӣ менамоем. Ифтихормандем, ки дар қатори аксар давлатҳои дунё Парчами Тоҷикистон ҷилва мекунад.