21-уми феврал, бо садо додани Суруди миллии Ҷумҳурии Тоҷикистон, дар саҳни Қасри фарҳанги шаҳри Левакант, бахшида ба 32-солагии таъсисёбии Қувваҳои Мусаллаҳи Ҷумҳурии Тоҷикистон чорабинии идона баргузор гардид.
Дар қисмати тантанавии чорабинӣ-раиси шаҳри Левакант Муминзода Мастура Табарӣ тамоми иштирокдоронро ба 32-юмин солгарди Рӯзи таъсисёбии Қувваҳои мусаллаҳи Ҷумҳурии Тоҷикистон табрик намуд.
21-уми феврал, тибқи супориши раиси шаҳри Левакант, ҷиҳати батартибдарории роҳу нақлиёт, бо роҳбарии муовини раиси шаҳр-Шоҳиён Саъдулло, масъулини БДА-и ШВКД дар шаҳри Левакант, масъулини ҷамоати шаҳраки «Сарбанд» ва дигар шахсони масъул гурӯҳи корӣ ташкил шуда, дар кӯчаи марказӣ бо ронандагони нақлиёти мусофирбари такси ва автобусу микроавтобусҳо корҳои фаҳмондадиҳӣ гузаронида шуд.
Ҷиҳати омӯзиш ва шарҳу тавзеҳи Паёми Президент ба Маҷлиси Олии Ҷумҳурии Тоҷикистон байни кормандони рӯзномаи шаҳрии «Нури Сарбанд» маҷлис гузаронида шуд.
Собиқадори меҳнат, Ашурали Юсупов бо тахаллуси Ашк Юсуфӣ дар арафаи Рӯзи Артиши миллӣ бо ташаббуси Ташкилоти собиқадорони ҷангу меҳнати шаҳри Левакант аёдат шуда, ба ӯ аз ҷониби СНОБ “Вахш”-и шаҳри Левакант кумаки яквақтаинаи пули расонида шуд.
20-уми феврал, бо ташаббуси Мақомоти иҷроияи ҳокимияти давлатии шаҳри Левакант, дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба Рӯзи Артиши миллӣ, муовини раиси шаҳр-Шоҳиён Саъдулло, масъулини Комиссариати ҳарбии шаҳр, намояндагони КИ ҲХДТ дар шаҳри Левакант, мудири бахши кор бо занон ва оилаи Мақомоти иҷроияи ҳокимияти давлатии шаҳри Левакант-Эшова Боғигул ва ҳунармандони бахши фарҳанги шаҳр сарбозону афсарони дидбонгоҳи сарҳадии «Панҷоб», қисми ҳарбии 0307-ро ки дар ноҳияи Ҳамадонӣ мавқеъ дорад аёдат намуданд.
