Дар доираи МОҲВОРАИ ҶАВОНӢ бахшида ба Рӯзи ҷавонони Тоҷикистон, тибқи нақша-чорабинии бахши ҷавонони шаҳри Левакант, дар муассисаи таҳсилоти миёнаи умумии №7-и шаҳр, бо хонандагони зинаи сеюми таҳсилот суҳбат-вохӯрӣ баргузор гардид.

Дар ин суҳбат-вохӯрӣ мудири бахши кор бо ҷавонон ва варзиши Мақомоти иҷроия-Шодихон Сафарзода, раиси Ташкилоти собиқадорони ҷангу меҳнати шаҳр-Султонов Ҳикматулло, раиси Ташкилоти ҷамъиятии «Сипарони Ватан» Бароталиев Сафар ва дигар фаъолон иштирок намуда, вобаста ба нақши ҷавонон дар ҷомеа баромад намуданд.

Баҳри иҷрои супориши ҷаласаи ҳайати мушовараи Прокуратураи генералии Ҷумҳурии Тоҷикистон аз 15-уми апрели соли 2024, бо мақсади пешгирии моилшавӣ ва шомилшавии наврасон ба ҳизбу ҳаракатҳои ифротӣ, экстремистию террористӣ, пешгирии таълимоти ғайриқонунии диннӣ ва дигар омилҳои номатлуб, мудири бахши кор бо занон ва оилаи Мақомоти иҷроияи ҳокимияти давлатии шаҳри Левакант-Халилзода Нуқрамоҳ, сармутахассиси шуъбаи рушди иҷтимоӣ ва робита бо ҷомеаи дастгоҳи раиси шаҳр-Моҳираи Абдуғаффор бо хонандагони зинаи сеюми таҳсилоти МТМУ №1-и шаҳр вохӯрӣ гузарониданд.

Мудири бахши дин, танзими анъана ва ҷашну маросимҳои Мақомоти иҷроияи ҳокимияти давлатии шаҳри Левакант-Маҳмад Хидирзода, пеш аз сафари шаҳрвандони шаҳр ба ҳаҷи фарзӣ бо онҳо вохӯрӣ намуда, вобаста ба талаботҳои моддаи 12-и Қонуни миллии Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» корҳои фаҳмондадиҳӣ намуд.

17-уми май, намояндагони Мақомоти иҷроияи ҳокимияти давлатии шаҳри Левакант ва ҷавонон Зайдуллои Сафаралӣ варзишгаре, ки дар чемпионати Осиё аз намуди гуштини Самбо сазовори ҷойи сеюм ва медали биринҷии мусобиқа гардид, дар майдони марказии шаҳр бо шаҳомати хосса ва гулу гулдаста истиқбол гирифтанд.

Шоҳиён Саъдулло муовини раиси шаҳр, зимни истиқболи варзишгар аз ҷониби Мақомоти иҷроияи ҳокимияти давлатии шаҳри Левакант, ба варзишгари ҷавон Зайдуллои Сафаралӣ барои ғолибият дар ин чемпионати Осиёӣ сипосгузорӣ намуда ӯро бо туҳфаҳо қадршиносӣ намуд. Ӯ дар ҳузури падару модар ва дигар варзишгарон иброз дошт, ки ғолибияти Зайдуллои Сафаралӣ обрӯи падару модар, обрӯи шаҳри Левакант ва Тоҷикистони азиз мебошад. Ҳамзамон ба падару модар ва мураббияҳои ин варзишгари шаҳр миннатдорӣ баён намуд.

Омӯзгори ҷавони муассисаи таҳсилоти миёнаи умумии №4-и шаҳри Левакант, Бахтматова Бибирокия дар даври ҷумҳуриявии форуми «Омӯзгори навовар» иштирок намуда, барои иштироки фаъол ва ишғоли ҷойи намунавӣ бо ИФТИХОРНОМА-и Вазорати маориф ва илми Ҷумҳурии Тоҷикистон сарфароз дониста шуд.

Даври ҷумҳуриявии форуми "Омӯзгори навовар" дар доираи Лоиҳаи "Мактабҳои 2030" 17 майи соли соли ҷорӣ дар "Кохи Рӯдакӣ"-и шаҳри Хуҷанд бо мақсади дарёфти омӯзгорони боистеъдод, навовару эҷодкор, паҳн намудани таҷрибаи пешқадами омӯзгорон ва муайян намудани лоиҳаҳои беҳтарини инноватсионӣ дар доираи лоиҳаи глобалии "Мактабҳои Тоҷикистон -2030" баргузор гардид.