Рӯзи 13 августи соли 2019 дар шаҳри Душанбе мусобиқаи ҷумҳуриявӣ оид ба гӯштини тарзи “Самбо” доир гардид. Чи тавре ки директори муассисаи таҳсилоти миёнаи умумии №6 Зубайдов Фаррух иброз намуд, хонандаи синфи 11-и муассисаи таълимии мазкур Убайдуллоев Абдуҳошим Нуруллоевич дар ин мусобиқаи ҷумҳуриявӣ дар вазни 75 кг ширкат варзида, ба ҳамаи ҳарифони худ дастболо гардид ва созовори ҷойи аввал, соҳиби медали тилло гардид.
Халқи тоҷик дар масири таърих воқеаҳои басо фоҷиабор ва дар айни замон ибратомӯзро аз сар гузаронидааст. Ниёгони мо бо вуҷуди маротибаҳо аз сар гузаронидани тохтутози хонумонсӯзи аҷнабиён, лашкаркашиву хунрезиҳои беҳисоб ҳамеша дар дил орзуи соҳибватану соҳибистиқлол буданро мепарвариданд. Корнамоиҳои Спитамену Муқаннаъ, Темурмалику Восеъ ва боз садҳо нафар фарзандони ин миллати озодидӯст дар саҳифаҳои таърих бо ҳарфҳои зарин нақш шуда, аз намунаҳои олии ватандӯстиву ватанпарастӣ шинохта мешаванд. Маҳз ҳамин озодихоҳиву сулҳҷӯии мардуми тоҷик буд, ки баъди ҳазор сол давлати тоҷикон аз нав эҳё гардид ва роҳи ояндаи ҷумла тоҷикони ҷаҳонро мунаввар сохт.
Мутобиқи ҷадвали Кумитаи иҷроияи ҲХДТ дар шаҳри Левакант ҷиҳати баргузории хонишҳои сиёсӣ ва татбиқи амалии Аксияи ҳизбии «Якҷоя ҳал мекунем!» бо иштироки раиси Кумитаи иҷроияи ҲХДТ дар шаҳри Левакант Ватанзода Сайҷафар, маъмурияти Ҷамоати деҳоти «Ваҳдат» ва кормандони Кумита дар ташкилоти ибтидоии деҳаи «Истиқлол» - и Ҷамоати деҳоти «Ваҳдат» бо мақсади тарғибу ташвиқи ҳадафҳои барномавии ҲХДТ ва самтҳои афзалиятноки фаъолияти ҳизб вохӯрии судманд доир гардид.
Бо дастгирии Вазорати тандурустӣ ва ҳифзи иҷтимоии аҳоли Ҷумҳурии Тоҷикистон ва лоиҳаи «Беҳтаргардонии ҳифзи саломатии модар ва кӯдак дар вилояти Хатлон» аз тарафи ташкилоти ҷамъиятии JAICA ба маблағи 300000 (сесад ҳазор) сомонӣ таҷҳизот барои навзодон ба шуъбаи таваллудӣ ворид карда шуд.
Тибқи дастуру супоришҳои раиси шаҳри Левакант Нақшаи баргузории вохуриҳои кормандони соҳаи иҷтимоии шаҳр таҳти унвони «Шоми Истиқлол» бахшида ба 28 солагии Истиқлолияти давлатии Ҷумҳурии Таҷикистон дар ҷамоатҳои деҳот баргузор гардида истодааст.
